Мәгариф хезмәткәрләренең районкүләм спартакиадасында мәктәбебез укытучылары матур күрсәткечләр күрсәттеләр. Гер күтәрү буенча Файзрахманова Н.М., ераклыкка сикерү буенча Рахимуллина Ч.А. лар 2 урыннарны алдылар. Команда гомуми исәп буенча 4 урынга лаек булды. Катнашучыларга рәхмәт белдерәбез, уңышлары белән котлыйбыз.

Бүген бәйрәм! Белем бәйрәме-беренче кыңгырау бәйрәме. Мәктәп еллары-кеше гомеренең кабатланмас матур бер мизгеле. Шуңа күрә баланың тәүге тапкыр мәктәп бусагасын атлап керүе-зур бәйрәм.

Профсоюз комитеты барлык укучыларны, бүген беренче тапкыр мәктәп бусагасын атлап кергән балаларны, ата-аналарны һәм әлбәттә инде хөрмәтле укытучыларны бәйрәм белән тәбрик итә! Исән-сау булып, зур үрләр яулап, алга омтылып мәктәп елларын матур үтәргә язсын!

Мәгариф хезмәткәрләренең Татарстан Республика комитеты профсоюз членнары өчен "Сәламәтлек өчен Кырымга" дигән льготалы ял оештырды. Әлеге бәхет миңа да елмайды. Мин бик шат һәм канәгать. Оештыручыларга зур рәхмәт!

Членам профсоюза работников образования из Татарстана в этом году это удалось благодаря проекту республиканского комитета профсоюза работников образования и науки «За здоровьем в Крым».

Инициатором и вдохновителем проекта стал председатель рескома Юрий Прохоров.

Математика укытучысы Гафиятова Гөлүсә Айрат кызын һәм аның тормыш иптәше Дмитрийны туй көннәре белән котлыйбыз!
Пар килгәнсез, сезгә карап сокланабыз,
Һәммәбез дә сезнең өчен шатланабыз.
Яшәгез сез бер-берегезне яратып,
Бу җиһанга сөю нуры таратып!

Ветеран укытучыбыз Галимҗанова Масфура Фатиховнага- 90 яшь!
Хөрмәтле Масфура Фатиховна! Сезне юбилеегыз белән чын күңелдән тәбрик итәбез. Сезгә ныклы сәламәтлек, җан тынычлыгы, күңел күтәренкелеге, ак бәхетләр, кайгы-хәсрәтсез имин тормыш телибез. Безгә һәрчак терәк булып, туганнарга кирәк булып, балаларыңның күңел җылысын тоеп, игелекләрен күреп, тигезлектә, бергә-бергә шатланып яшәргә язсын.

Иртә таңда чыккан кояш
Көн дә сиңа бәхет китерсен.

Кадерле балалар, хөрмәтле  коллегалар һәм әти-әниләр!

Кадерле дуслар! Сезне чын күңелдән Бөек Җиңү бәйрәме белән тәбрик итәм. Җиңү алып килгән май иртәсеннән күп еллар узуга карамастан, илебез солдатларының батырлыгы халык хәтерендә мәңге калачак. Азатлык өчен башын салганнарны, сугыштан соң яраларыннан вафат булганнарны истән чыгармау, исәннәрне хөрмәтләү – һәрберебезнең изге бурычы. Кызганыч, вакыт шул тарихи вакыйгалар шаһитларын арабыздан алып китә, үзләрен аямыйча, зур фидакарьлек күрсәтеп, дошман уты астына кергән ветераннарыбыз сафы көннән-көн сирәгәя. Без аларга тынычлык алып килгәннәре, тормыш тәҗрибәсе, кимемәс рух ныклыгы, ватанпәрвәрлекләре өчен чиксез рәхмәтле.

"Бер кайтмасак, бер кайтырбыз",- дип китсәләр дә, күп кенә авылдашларыбыз яу кырларында мәңгелеккә ятып калды, күбесе кайткач вафат булды. Бүген, аларның исемнәрен мәңгеләштерү максатыннан, Мишәбаш авылы халкы көче белән төзелгән мемориалны ачу тантанасы булып узды.Туган җирләре өчен башларын салган бу батырларны онытырга безнең хакыбыз юк. Алар безнең белән, алар безнең арада!

Мәктәп тирәсен кардан арындыру буенча өмәләр башланды. Өмәдә барлык укучылар, укытучылар һәм хемәткәрләр катнашты.

Явлаштау урта мәктәбе башлангыч профсоюз оешмасында отчет- сайлау җыелышы булып үтте. Профком рәисе Шакирова М.М. 2014-2016 нчы еллардагы профком эшчәнлеген чагылдырган чыгыш ясады. Фикер алышуларда Газизова Н.Л., Хазиева Р.Х, Шиггабиева Ф.Н., Газизова Ә.М. һ.б катнашты. Ревизия комиссиясе рәисе Галиева Г.Х.  отчет чорына профсоюз взносы акчалары тотылышы буенча чыгыш ясады. Профком рәисе итеп кабат Шакирова М.М. сайланды.